അബുദാബി :അഞ്ചാമത് അഡ്നോക് അബുദാബി മാരത്തൺ നാളെ. 23,000 പേർ പങ്കെടുക്കുന്ന 42.195 കിലോമീറ്റർ കൂട്ടയോട്ടത്തിലെ വിജയികളെ കാത്തിരിക്കുന്നത് 3.03 ലക്ഷം ഡോളറിന്റെ സമ്മാനങ്ങൾ. 10 കി.മീ, 5 കി.മീ, 2.5 കി.മീ എന്നീ റേസുകളുമുണ്ട്. അബുദാബി സ്പോർട്‌സ് കൗൺസിലും അഡ്നോകും ചേർന്ന് സംഘടിപ്പിക്കുന്ന മാരത്തണിന്റെ ഭാഗമായി നഗരത്തിലെ വിവിധ റോഡുകളിൽ ഇന്നു അർധരാത്രി മുതൽ നാളെ ഉച്ചയ്ക്ക് 2 വരെ ഗതാഗത നിയന്ത്രണം ഏർപ്പെടുത്തി.കോർണിഷിലെ അഡ്നോക് ആസ്ഥ‌ാനത്തു നിന്ന് ആരംഭിക്കുന്ന കൂട്ടയോട്ടം ക്രൗൺ പ്രിൻസ് കോർട്ട്, ഷെയ്ഖ് സായിദ് ഗ്രാൻഡ് മോസ്ക്, അൽബത്തീൻ പാലസ്, ഖസർ അൽ ഹൊസൻ, വേൾഡ് ട്രേഡ് സെന്റർ തുടങ്ങി അബുദാബിയുടെ പ്രധാന മേഖലകളെ ബന്ധിപ്പിച്ച് ബന പബ്ലിക് പാർക്കിനു സമീപമുള്ള അഡ്നോക് ക്യാംപസിൽ അവസാനിക്കും.കിങ് അബ്ദുല്ല ബിൻ അബ്ദുൽ അസീസ് അൽ സൗദ് സ്ട്രീറ്റ് അർധരാത്രി മുതൽ രാവിലെ 7.30 വരെ കോർണിഷ് സ്ട്രീറ്റ് പുലർച്ചെ 2 മുതൽ ഉച്ചയ്ക്ക് 2 വരെ അൽ ഖലീജ് അൽ അറബ് സ്ട്രീറ്റ് പുലർച്ചെ 3 മുതൽ 9 വരെ ഷെയ്ഖ് റാഷിദ് ബിൻ സഈദ് സ്ട്രീറ്റ് പുലർച്ചെ 4 മുതൽ ഉച്ച വരെ.
Comments are closed.