അബൂദബി: 52-ാമത് ദേശീയദിന പൊതു അവധിയുടെ ഭാഗമായി അബൂദബി, ഷാർജ എമിറേറ്റുകളിൽ പാർക്കിങ് സൗജന്യം. ശനിയാഴ്ച മുതൽ ഡിസംബർ നാല് തിങ്കളാഴ്ച വരെയാണ് ഇളവ് ലഭിക്കുക. ശനിയാഴ്ച മുതൽ ഡിസംബർ അഞ്ച് ചൊവ്വാഴ്‌ച രാവിലെ 7.59വരെ മവാഖിഫ് പാർക്കിങ് ഫീസ് സൗജന്യമായിരിക്കുമെന്ന് അബൂദബി സംയോജിത ഗതാഗതകേന്ദ്രം അറിയിച്ചു. മുസ്സഫ എം-18 ട്രക്ക് പാർക്കിങ് ലോട്ടിലും ഇക്കാലയളവിൽ പാർക്കിങ് സൗജന്യമാണ്.നിരോധിത മേഖലകളിൽ വാഹനങ്ങൾ പാർക്ക് ചെയ്യുന്നത് ഒഴിവാക്കണമെന്ന് സംയോജിത ഗതാഗതകേന്ദ്രം ആവശ്യപ്പെട്ടു. രാത്രി കാലങ്ങളിൽ താമസകേന്ദ്രങ്ങളുടെ പാർക്കിങ് ഇടങ്ങളിൽ വാഹനങ്ങൾ നിർത്തരുതെന്നും അധികൃതർ അറിയിച്ചു. ഡിസംബർ രണ്ട് ശനിമുതൽ അഞ്ചാം തീയതി വരെ ടോൾ ഗേറ്റിൽ ഫീസ് ഈടാക്കുകയുമില്ല.കസ്റ്റമർ ഹാപിനസ് സെൻ്ററുകൾ ഡിസംബർ രണ്ടു മുതൽ ഡിസംബർ നാല് വരെ അടച്ചി ടും. ഡിസംബർ അഞ്ച് മുതലാവും ഇവ പ്രവ ർത്തനം പുനരാരംഭിക്കുക. അതേസമയം സംയോജിത ഗതാഗത കേന്ദ്രത്തിന്റെ വെ ബ്സൈറ്റ് മുഖേനയും താം പ്ലാറ്റ്ഫോം മുഖേ നയും പൊതുജനങ്ങൾക്ക് സേവനങ്ങൾക്ക് അപേക്ഷിക്കാവുന്നതാണെന്നും അധികൃത ർ അറിയിച്ചു.എമിറേറ്റിൽ ശനിയാഴ്ച മുതൽ തിങ്കൾ വരെ പൊതു പാർക്കിങ് സൗജന്യമായിരിക്കുമെന്ന് ഷാർജ മുനിസിപ്പാലിറ്റി അധികൃതർ അറിയി ച്ചു. പെയ്ഡ് പാർക്കിങ് സംവിധാനം ചൊവ്വാ ഴ്ച പുനരാരംഭിക്കും. ബ്ലൂ പാർക്കിങ് സോ ണുകളിൽ ഇളവ്ലഭിക്കുകയില്ല. ദുബൈയി ലും പാർക്കിങ് സൗജന്യം കഴിഞ്ഞ ദിവസം പ്രഖ്യാപിച്ചിരുന്നു.
Comments are closed.